मनाङको चामेमा सम्पन्न भयो छेवाङ उत्सव, गुरु रिम्पोर्छेको विशाल मूर्ति निर्माण कार्यको शिलान्यास
मनाङ अनलाइन
चामे, १० बैशाख । लामा गुरु लोड्रो राप्सेल रिन्पोछेद्वारा हिजो विहीवार मनाङको चामे गाउँपालिका वडा नं. ४ मा दीर्घायु अभिषेक (छेवाङ) गर्ने कार्यक्रम सम्पन्न गरिएको छ । धर्मगुरु लोड्रो राप्सेल रिन्पोछेबाट गरिएको दिर्घायु अभिषेक(छेवाङ) लाई मनाङका बौद्धमार्गीहरुले बढो महत्वपुर्ण धार्मिक कार्यक्रमका रुपमा लिने गरेका छन् ।
उक्त समारोहमा मनाङका अधिकांश श्रद्धालु भक्तजनहरुको सहमागिता रहेको थियो । सो अवसरमा अघिल्लो दिन चामे गाउँपालिका वडा नं.४ छम्काङमा गुरु रिन्पोछेको बिशाल र महत्वकांक्षि ५७ फिट अग्लो मुर्ति निर्माणको सिलन्यास गरिएको थियो । मनाङका हजारौं भक्तजनहरुका साथै स्थानीय जनप्रतिधिहरु, सरकारी कार्यालयका कर्मचारीहरु र सर्वसाधारणहरुको ठूलै भिड लागेका कार्यक्रमलाई चामेबासीहरुले बढो महत्पूर्ण दिनको रुपमा लिएको मनाङका बरिष्ठ सामाजसेवी एवं राजनीतिक व्यक्तित्व साङदो लामाले जानकारी दिए ।
स्थानीय बासिन्दाहरुले यो दिनलाई जिल्लाकै एक ऐतिहासिक दिनको रुपमा लिएको लामाले बताए । उनका अनुसार चामे गाउँपालिका वडा नं. ४ मा प्रतिष्थापन गर्न लागिएको उक्त मूर्तिले मनाङ जिल्लाकै गौरव बढाउने घ्यालसुम्दो बासीहरुको भनाई छ । गुरु रिम्पोछेको मूर्ति प्रतिष्थापन गर्नका लागि तलेखुका पासाङ लामाले ६ रोपनी क्षेत्रफल भएको जमीन दान गरेका छन् भने मुर्ति निर्माणमा लामा निमाले विशेष पहल गरेका हुन् ।
उक्त मूर्ति निर्माण कार्य सकिएपछि त्यस स्थानलाई एउटा धार्मिक क्षत्रकै रुपमा विकास गर्न स्थानीय बासिन्दाहरुले श्रमदान समेत गर्न उत्साहित भएको जानकारी दिईएको छ । स्थानीय बासिन्दाहरुका साथै अमेरिकामा रहेका घ्यालसुम्दोबासीहरुले यस अभियानमा सहयोग गर्ने भएका छन् । उक्त मूर्तिसँगै उक्त स्थानमा गुम्बाका साथै मेडिटेशन शिविरहरु निर्माण गरेर धार्मिक पर्यटन केन्द्र विकास गर्न लागिएको जग्गा दाता पासाङ लामाले बताएका छन् ।
गुरु रिम्पोछेको मूर्ति निर्माणको विषयमा अनलाईनमार्पmत दक्षिण कोरिया निवासी मनाङकी लक्ष्मी गरुङले मनाङअनलाई भनेकी छिन् ‘जग्गा दान गर्ने पासाङ लामाको बुवा कर्म छन्देन लामा ठुलो धर्म गुरु हुनुहुन्थ्यो, त्यो जग्गा भएको ठाउँमा गुरुज्युको ध्यान गर्ने घर (छ्मगाङ) थियो । गुरुज्युको स्वर्गरोहणपश्चात त्यो घर त्यतिकै खाली थियो, उहाँको छोरा पासाङ लामाले नै चामे गाउँ पालिकालाई हस्तान्तरण गरेका हुन् । त्यो जग्गामा गुरु रिम्पोछे मुर्ति र गुम्बा अनि स–साना मेडिटेसन शिविरहरु बनाउने तयार भईरहेको छ ।’
प्रतिक्रिया दिनुहोस्