बढी, पहिरो र डुबानबाट देशभर ४९ जनाको मृत्यु, ४० बेपत्ता

काठमाण्डौँ, दुई दिनदेखि परेको लगातारको वर्षाका कारण देशभर ४९ जनाको मृत्यु भएको छ ।
मृत्यु हुनेमध्ये भक्तपुर, ललितपुर र काठमाण्डौँमा मात्रै ३२ जनाले ज्यान गुमाएका छन् ।
नेपाल प्रहरीका सहप्रवक्ता, प्रहरी वरिष्ठ उपरीक्षक विश्व अधिकारीका अनुसार विपद्का घटनामा परेर हालसम्म ३४ जना घाइते भएका तथा ४० जना सम्पर्कविहीन भएका छन् । देशभरिमा ४४ स्थानमा मुख्य राजमार्ग अवरुद्ध भएको पनि बताए ।
प्रहरीले सबै निकायको समन्वयमा उद्धार कार्य जारी राखेको छ । अहिलेसम्म एक हजारभन्दा बढीको उद्धार गरिएको छ । काठमाण्डौँ, ललितपुर र भक्तपुरमा मात्रै विपद्का घटनाबाट १७ जना घाइते तथा १२ जना बेपत्ता भएका छन् । सशस्त्र प्रहरी बलले आपत्कालीन उद्धारका लागि हटलाइन नम्बर १११४ मा सम्पर्क गर्न आग्रह गरेको छ ।