पहिरोका कारण देशभरका दुई दर्जनबढी सडक अवरुद्ध ।

काठमाण्डौँ– अबिरल वर्षाका कारण पहिरो खस्दा देशका विभिन्न क्षेत्रका मुख्य सडकहरु सहित दुई दर्जनबढी सडकहरु अवरुद्ध भएका छन् । धादिङको फिसलिङमा पहिरो खस्दा पृथ्वीराजमार्ग बन्द भएको छ । त्यसैगरी सिद्धार्थ राजमार्ग र राप्ती राजमार्ग र विपी राजमार्ग पनि अवरुद्ध छन् ।
मनाङको चामे बेसीसहर सडक पूर्ण रुपमा अवरोध, म्याग्दीको बेनी दरवांग सडकखण्ड, बेनी जोमसोम सडक, पर्वर्तको मालढुंगा बेनी सडक पूर्ण रुपमा अवरुद्ध छन् । त्यसैगरी लमजुंगको डुम्रे बेशीशहर, बेशीसहर मनांङ सडक पूर्णरुपमा अवरुद्ध रहेको नेपाल प्रहरीले वुलेटिङ मार्फत जानकारी गराएको छ ।