आगलागी, डढेलो र चट्याङबाट २४ दिनमा २७ जनाको मृत्यु ।

काठमाण्डौँ, देशभरमा भएको आगलागी, डढेलो र चट्याङबाट वैशाख महिनाको २४ दिनमा २७ जनाको मृत्यु भएको राष्ट्रिय विपद् जोखिम न्यूनीनकरण तथा व्यवस्थापन प्राधिकरणले जनाएको छ ।
प्राधिकरणका अनुसार वैशाख १ देखि २४ गतेसम्ममा आगलागीबाट १८, डढेलोले ६ तथा चट्याङ लागेर तीनजनाले ज्यान गुमाएको तथा ९० जना घाइते भएको बताएको छ ।
यसैबीच, प्राधिकरणले अग्निपीडित परिवारलाई पनि अस्थायी घर बनाउन आर्थिक सहयोग गर्ने कार्यविधि स्वीकृत गरेको जनाएको छ । यसअघि त्यस्तो सुविधा भूकम्पपीडितका लागि मात्र उपलब्ध थियो ।