भैरहवाका व्यवसायीद्धारा आन्तरिक उडान पनि बन्द गर्ने चेतावनी
![](https://www.manangonline.com/wp-content/uploads/2023/12/images-2.jpg)
काठमाण्डौं– भैरहवास्थित् गौतमबुद्ध अन्तर्राष्ट्रिय विमानस्थलमा नियमित अन्तर्राष्ट्रिय उडान गर्न सरकारले उदासिनता देखाएको निष्र्कस सहित स्थानीय व्यवसायीले मंसिर २५ देखि आन्तरिक उडान समेत रोक्ने भएका छन् ।
आन्दोलनको कार्यक्रम अन्तर्गत आज भैरहवामा धर्ना र प्रदर्शन गर्दैछ । यस्तै, मंसिर २४ गतेबाट विमानस्थलमा धर्ना दिने र २५ गतेबाट आन्तरिक उडानसमेत रोक्ने चेतावनी दिएको छ । अन्तर्राष्ट्रिय उडानका लागि चरणबद्ध आन्दोलनको घोषणा गरेका व्यवसायीले धर्नामा ५ हजारभन्दा बढी सहभागी हुने दाबी गरेको छ ।
भैरहवामा गौतमबुद्ध अन्तर्राष्ट्रिय विमानस्थल उद्घाटन भएको डेढ वर्षसम्म पनि नियमित अन्तर्राष्ट्रिय उडान भएको छैन । नियमित उडान नहुँदा यहाँको निजी क्षेत्रको लगानी खेर जाने भन्दै अन्तर्राष्ट्रिय उडानको दबाब दिइरहेको छ । अर्कोतिर नेपाल एसोसिएसन अफ टुर एन्ड ट्राभल एजेन्ट्स (नाट्टा) लुम्बिनीको टोली पनि विमानस्थलमा नियमित उडानका लागि काठमाडौंमा विभिन्न निकायलाई दबाब दिएर फर्किएको छ ।
प्रतिक्रिया दिनुहोस्