२०८० फाल्गुन १४

मनाङमा ११ महिनामा २० हजारभन्दा बढी पर्यटक, पर्यटन व्यवसायीमा उत्साह

कोभिड–१९ महामारीपछि हिमाली जिल्ला मनाङमा सबैभन्दा धेरै विदेशी पर्यटक आएका छन् ।
अन्नपूर्ण संरक्षण क्षेत्र आयोजना (एक्याप) इलाका कार्यालय मनाङका प्रमुख ढकबहादुर भुजेलका अनुसार पछिल्लो ११ महिनामा २० हजार आठ सयभन्दा बढी बाह्य पर्यटक मनाङ भित्रिएका छन् ।


सन् २०२३ को जनवरीदेखि नोभेम्बरसम्म २० हजार ८ सय ६ विदेशी पर्यटक मनाङ भित्रिएको प्रमुख भुजेलले बताए । प्रमुख भुजेलका अनुसार अक्टोबर महिनाम सबैभन्दा बढी ५ हजार एक सय ९८ पर्यटक मनाङ भित्रिएका छन् ।


सन् २०२३ को जनवरीमा एक सय ८४, फरवरीमा ४ सय ९९, मार्चमा दुई हजार सात सय ३६, अप्रिलमा चार हजार दुई सय २१, मेमा एक हजार पाँच सय ७१, जुनमा दुई सय ५२, जुलाईमा दुई ५६, अगस्टमा तीन सय १६, सेप्टेम्बरमा दुई हजार दुई सय ५७, अक्टुबरमा पाँच हजार एक सय ९८ र नोभेम्बरमा ३ हजार २ सय ४८ पर्यटक भित्रिएका छन् ।


सो अवधिमा सबैभन्दा बढी फ्रान्सका नागरिक मनाङ भ्रमणमा आएका छन् । फ्रान्सका दुई हजार चार सय ८५, इजरायलका एक हजार ८३, जर्मनका एक हजार आठ सय ३७, बेलायतका एक हजार चार सय ७३, अमेरिकाका एक हजार दुई सय १३, रसियाका एक हजार एक सय ६७, अस्ट्रेलियाका एक हजार एक सय पाँच, नेदरल्याण्डसका नौ सय ७० र भारतका आठ सय ९७ पर्यटक भित्रिएको एक्याप मनाङले जनाएको छ ।सन् २०२२ मा मनाङमा १५ हजार नौ सय तीन विदेशी पर्यटक भित्रिएका थिए । कोभिड महमारीको समयमा पनि सन् २०२० मा एक हजार नौ सय ७६ र सन् २०२१ मा दुई हजार तीन सय ७३ बाह्य पर्यटक भित्रिएका थिए । कोभिड महामारीपछि मनाङमा यसबर्षको शरद ऋतुमा हालसम्मकै बढी पर्यटक भित्रिएका हुन् ।


मनाङमा विशेष गरी साहसिक पदयात्राका लागि विदेशी पर्यटक आकर्षित हुन्छन् । विश्वकै १० औं उच्च जोखिमपूर्ण यात्रा गर्न मनाङमा पर्यटक आकर्षित हुने गरेका छन् ।