ताप्लेजुङको फालाइचामा ४.६ म्याग्निच्युडको भूकम्प ।

ताप्लेजुङ, ताप्लेजुङ जिल्लाको फालाइचा आसपास केन्द्रविन्दु बनाएर ४.६ म्याग्निच्युडको भूकम्प गएको छ ।
राष्ट्रिय भूकम्प मापन तथा अनुसन्धान केन्द्र (एनइएमआरसी) तथा खानी तथा भूगर्भ विभाग (डीएमजी) लैनचौरका अनुसार भूकम्प शनिबार बिहान ६ः१३ बजे भूकम्प गएको हो ।
भूकम्पको धक्का ताप्लेजुङसहित आसपासका क्षेत्रमा महसुस गरिएको स्थानीयवासीले बताएका छन् । हालसम्म भूकम्पबाट कुनै मानवीय क्षति वा ठूलो भौतिक क्षतिको विवरण प्राप्त नभएको जिल्ला प्रहरी कार्यालय ताप्लेजुङले जनाएको छ ।