पृथ्वी राजमार्ग अवरुद्ध, फिस्लिङमा पहिरो ।

काठमाण्डौँ, आइतबार राति २ बजेतिर वर्षासँगै आएको पहिरोले पृथ्वी राजमार्गको मुग्लिङ–नौबिसे सडक खण्ड अवरुद्ध भएको हो ।
चितवनको इच्छाकामना–३ फिस्लिङ र मोवाखोलाको बीचमा पहिरो खसेकाले पृथ्वी राजमार्ग अवरुद्ध भएको ईलाका प्रहरी कार्यालय मुग्लिङले जनाएको छ ।
पहिरो गएलगत्तै रातिदेखि पहिरो पन्छाउने काम सुरु भए पनि सडक अझै खुलेको छैन । सडक सञ्चालन गर्न केही समय लाग्ने ईलाका प्रहरी कार्यालय मुग्लिनकी प्रमुख निरला भण्डारीले जानकारी दिइन् ।
पहिरोले दुवैतर्फका सवारीसाधन रोकिएका छन् । यात्रुहरु अलपत्र परेका छन् ।