कोसी, गण्डकी र कर्णाली प्रदेशमा मेघगर्जन र चट्याङसहित हल्का वर्षाको सम्भावना ।

काठमाण्डौँ, देशमा पश्चिमी र स्थानीय वायुको आंशिक प्रभावका कारण केही भूभागमा आज वर्षा र केही प्रदेशमा हिमपातको पनि सम्भावना रहेको जल तथा मौसम पूर्वानुमान महाशाखाले जनाएको छ ।
विभागका अनुसार बिहान पहाडी भूभागमा आंशिक बदली रहेको छ । बाँकी भूभागको मौसम मुख्यतया सफा छ ।
विभागले दिउँसो कोसी, गण्डकी र कर्णाली प्रदेशको पहाडी भूभागका एकदुई स्थानमा मेघगर्जन र चट्याङसहित हल्का वर्षाको सम्भावना रहेको बताएको छ । त्यसैगरी, कोसी, गण्डकी र कर्णाली प्रदेशका उच्च पहाडी तथा हिमाली भूभागका एकदुई स्थानमा हल्का हिमपातको सम्भावना रहेको छ । अन्य प्रदेशमा भने आंशिक बदली मात्रै रहनेछ ।
काठमाण्डौँमा आज मौसम सामान्य बदली मात्रै हुनेछ, तर केही दिन वर्षाको सम्भावना नरहेको विभागले जनाएको छ ।
वर्षा र हिमपातको सम्भावना रहे पनि तत्काललाई हावाहुरीको सम्भावना भने नरहेको विभागले जनाएको छ ।