कोशी, गण्डकी र कर्णाली प्रदेशका केही स्थानमा मध्यम वर्षाको सम्भावना ।

काठमाण्डौँ, हाल देशभर पश्चिमी वायुको आंशिक प्रभाव कोशी, बागमती र गण्डकी प्रदेशका पहाडी भू–भागमा रहेको जल तथा मौसम विज्ञान विभागले जनाएको छ ।
विभागका अनुसार आज दिउँसो देशका पहाडी भागमा आंशिकदेखि साधारणतया बदली रही बाँकी भागमा मुख्यतया मौसम सफा रहने छ । साथै कोशी प्रदेश, गण्डकी प्रदेश र कर्णाली प्रदेशका पहाडी भूभागका केही स्थानमा हल्कादेखि मध्यम वर्षाको सम्भावना छ ।
त्यसैगरी, आज राति देशका पहाडी भागमा आंशिकदेखि साधारणतया बदली रही बाँकी भागमा मौसम सफा रहने छ । कोशी प्रदेश, गण्डकी प्रदेश र कर्णाली प्रदेशका पहाडी भूभागका एकदुई स्थानमा हल्कादेखि मध्यम वर्षाको सम्भावना छ।
आगामी २४ घण्टामा सबै प्रदेशका पहाडी भागका एक÷दुई स्थानमा हल्कादेखि मध्यम वर्षाको सम्भावना छ ।