आर्सनलद्वारा एस्टन भिल्ला २–० गोलले पराजित ।

काठमाण्डौँ, लियान्ड्रो ट्रोसार्ड र थोमस पार्टेको गोलको मद्दतमा आर्सनलले इङ्लिस प्रिमियर लिगमा एस्टन भिल्लामाथि २–० को जित निकालेको छ ।
भिल्ला पार्कमा आर्सनलले खेलको ६७ औं मिनेटमा सब्स्टिच्युट ट्रोसार्डको गोलबाट अग्रता लिएको थियो ।
त्यसको १० मिनेटपछि पार्टेले गोल गर्दै आर्सनललाई जित दिलाए । फेरि लिग जित्ने लक्ष्यसाथ प्रिमियर लिग सुरु गरेको आर्सनलको यो लगातार दोस्रो जित हो । जितसँगै तेस्रो स्थानमा उक्लिएको आर्सनलले ६ अंक जोडेको छ ।
गत सिजनमा आर्सनललाई भिल्लाले १–० ले पराजित गरेको थियो । उक्त हारसँगै आर्सनलले उपाधि गुमाएको थियो। यसपल्ट भने आर्सनल उक्त हारको बदला लिन सफल भएको छ ।