एयर डाइनेस्टीको हेलिकोप्टर दुर्घटना,पाइलट सहित पाँच जनाको मृत्यु ।

काठमाण्डौँ, काठमाण्डौँबाट उत्तर पश्चिमा रहेको नुवाकोटको सूर्यचौरमा एयर डाइनेस्टीको हेलिकोप्टर दुर्घटना भएको छ ।
त्रिभूवन विमान स्थलबाट उडान भरेको केही क्षणमै चारजना चिनियाँ नागरिक बोकेर काठमाडौंबाट रसुवा जाँदै गरेको हेलिकोप्टर काठमाडौं र नुवाकोटको सीमा क्षेत्रमा दुृघटना भएको नागरिक उड्डायान प्राधिकरणले जनाएको छ ।
नुवाकोटको शिवपुरी ७ सूर्यचौरको जंगलको रुखमा हेलिकोप्टर ठोक्किएको बताइएको छ । हेलिकोप्टर दुर्घटनामा चारजना चिनियाँ नागरिकसहित पाइलटको पनि मृत्यु भएको प्रहरीले जनाएको छ ।

मृत्यु हुनेमा एक जना महिला र चार जना पुरुष रहेको नुवाकोटका एसपी शान्तिराम कोइरालाले जानकारी दिए ।
दुर्घटनास्थलबाट नेपाल प्रहरी, सशस्त्र प्रहरी लगायतको टोलीले शव संकलन गरी काठमाडौं ल्याएका छन् । शव पोष्टमार्टमका लागि त्रिवि शिक्षण अस्पताल लगिएको छ ।