पहिरोका कारण साँफे–मार्तडी सडक खण्ड अवरुद्ध ।

अछाम, पहिरोका कारण साँफे–मार्तडी सडक खण्ड अवरुद्ध भएको छ । सोमबार राती साँफेबगर नगरपालिका–१३ इग्रीखोला नजिक पहिरोले सडक अवरुद्ध भएको अछाम प्रहरी प्रमुख प्रहरी नायब उपरीक्षक सन्तोष पाठकले बताए ।
स्थानीय तहसँगको समन्वयमा अवरुद्ध सडक खुलाउने पहल भइरहेको छ । सडक अवरुद्ध भए लगत्तै राती नै उक्त स्थानमा घुगुरकोट प्रहरी चौकीबाट प्रहरी खटिए पनि जेसिबीले पहिरो पन्छाउनु पर्ने भएकोले राती कुनै काम नभएको तर आज बिहानैबाट पहिरो हटाउने काम भइरहेको प्रहरीले जनाएको छ ।
सडक अवरुद्ध भएसँग बाजुरा जिल्ला जाने र बाजुराबाट अन्य जिल्ला जाने यातायात अवरुद्ध भएका छन् ।