स्वर्गद्वारी गुठी पीडितमाथि अश्रुग्याँस प्रहार, ४ जना घाइते ।

काठमाण्डौँ,दाङमा नापी र मालपोत कार्यालयमा तालाबन्दी गर्न गएका स्वर्गद्वारी गुठी पीडित किसान र प्रहरीबीच झडप भएको छ ।
झडपमा चार जना घाइते भएका छन् । घाइतहरुको राप्ती स्वास्थ विज्ञान प्रतिष्ठानमा उपचार भइरहेको छ ।
स्वर्गद्वारी गुठी पीडित किसानहरुले आफूहरुका माग सम्बोधन नभएको भन्दै दाङको घोराहीमा रहेको मालपोत र नापी कार्यालयमा तालाबन्दी गर्न गएका थिए ।
प्रहरीले कार्यालय खुलाउने क्रममा बल प्रयोग गरेपछि स्थिति तनावग्रस्त बनेको छ । स्थिति नियन्त्रणमा लिने क्रममा प्रहरीले अश्रुग्याँस पनि प्रहार गरेको छ ।
अप्रिय घटना हुन नदिन १० राउन्ड अश्रुग्याँस प्रहार गरेको जिल्ला प्रहरी कार्यलय दाङका प्रहरी प्रमुख एसपी रामबहादुर केसीले बताए । हाल स्थति नियन्त्रणमा रहेको पनि बताए ।