ठमेलबाट ९ विदेशीसहित १५ महिला पक्राउ, पैदलयात्रुलाई हैरान पार्ने गरेको : प्रहरी

काठमाण्डौँ, प्रहरीले अनैतिक कार्यमा संलग्न रहेको आरोपमा १५ जना महिलालाई ठमेलबाट पक्राउ गरेको छ ।
रातको समयमा ठमेलको सडकमै पैदलयात्रुलाई हैरानी गर्ने गरेको आरोपमा ९ जना विदेशी महिला र ६ जना नेपाली महिला पक्राउ गरेका हुन् ।
पक्राउ पर्नेमा विदेशी महिलाहरूमा युगान्डाका आठजना र एकजना केन्याकी महिला छन् ।
उनीहरूलाई थुनामा राखेर अनुसन्धान गर्न प्रहरीले अभद्र मुद्दामा पाँच दिनको अनुमति पाएको छ । उनीहरूमाथि प्रहरी वृत्त लैनचौरको टोलीले अनुसन्धान जारी राखेको छ ।