२०८१ असार ४

आजदेखि अपरान्ह ५ बजेसम्म सरकारी कार्यालय खुल्ने ।

काठमाडौँ, आज (मंगलबार) देखि सरकारी कार्यालयको दैनिक सेवा समय बिहान १० बजे खुल्ने अपरान्ह ५ बजे बन्द हुनेछन् ।
मंसिर १६ गतदेखि १५ माघसम्म सरकारी कार्यालयको बन्द हुने समय १० देखि ४ बजेसम्म हुने नियम छ । जाडो समयमा दिन छोटो हुने भएकाले सरकारले ३ महिना कार्यालय समय ६ घण्टाका लागि मात्रै तोक्ने गरेको छ ।
त्यसबाहेकका अन्य समय भने ५ बजेसम्म नै सेवा दिने गरी कार्यालयहरु खुल्छन् । अन्य समयमा भने सरकारले कार्यालय समय ७ घण्टा तोकेको छ । यसअनुसार आजदेखि ५ बजेसम्म नै सरकारी कार्यालयबाट सेवा पाइनेछ ।
सरकारले राजपत्रमा सूचना प्रकाशित गरेर कार्यालय समय तोक्ने प्रचलन छ ।