२०८१ श्रावण १०

चीनियाँ कूटनीतिज्ञ र अमेरिकी सुरक्षा सल्लाहकारबिच थाइल्याण्डमा भेटवार्ता ।

काठमाण्डौ, चीनका उच्च कूटनीतिज्ञ वाङ यीले र अमेरिकी राष्ट्रिय सुरक्षा सल्लाहकार जेक सुलिभानबिच शुक्रबार थाइल्याण्डमा भेटवार्ता भएको छ ।
बेइजिङ र वासिङ्टनबिच हालैका वर्षहरूमा प्रविधि, व्यापारदेखि मानव अधिकारका विषयका साथै ताइवान र साउथ चाइना सीका विषयमा प्रतिस्पर्धात्मक दाबीका मुद्दाहरूमा टकराव भएको छ ।
दशकौँ यताको सबैभन्दा खराब सम्बन्ध सुधारका लागि राष्ट्रपति जो बाइडेनले गत नोभेम्बरमा सान फ्रान्सिस्कोमा चिनियाँ समकक्षी सी जिङ्गपिङसँग भेटवार्ता गरेका थिए ।
चीन र संयुक्त राज्य अमेरिकाको सहमतिअनुसार वाङ यीले संयुक्त राज्य अमेरिकाका राष्ट्रिय सुरक्षा सल्लाहकार सुलिभानसँग बैंककमा नयाँ चरणको बैठक गरेको बेइजिङको विदेश मन्त्रालयले जारी गरेको विज्ञप्तिमा उल्लेख गरेको छ । अमेरिकाले शुक्रबार र शनिबार वार्ता हुने जनाएको छ ।
ह्वाइट हाउसले भने भेटवार्ताले राष्ट्रपति बाइडेन र राष्ट्रपति सीबिच नोभेम्बर २०२३ मा हुने वुडसाइड शिखर सम्मेलनमा रणनीतिक सञ्चार कायम राख्न र जिम्मेवारीपूर्वक सम्बन्ध व्यवस्थापन गर्ने दुवै पक्षको प्रतिबद्धतालाई निरन्तरता दिएको छ ।”
शुक्रबार सुलिभानले थाइल्याण्डका प्रधानमन्त्री श्रेता थाभिसिन र अन्य उच्च अधिकारीसँग बैङ्ककमा भेटवार्ता गरेका थिए । ह्वाइट हाउसका अनुसार उनीहरूले बर्माको बिग्रँदो सङ्कटलाई सम्बोधन गर्ने प्रयाससहित क्षेत्रीय र विश्वव्यापी मुद्दाहरूमा छलफल गरेका छन् । म्यानमाको सेनाप्रति बफादार सरकार (जुन्टा सरकार) र देशको उत्तरी भागमा जातीय सशस्त्र समूहहरूबिच युद्ध चर्किएको छ ।