२०८० फाल्गुन ९

हाइटीमा छ जना भिक्षुसहित आठ जनाको अपहरण ।

काठमाण्डौँ, हाइटीको राजधानी पोर्ट–औ–प्रिन्समा शुक्रबार छ जना भिक्षुसहित आठ जनाको अपहरण भएको छ ।
सेन्ट एनीका बहिनीहरूको मण्डलीका छ जना ननहरू र उनीहरू चढेको बसका अन्य सदस्यहरू अपहरणमा परेको हाइटीको धार्मिक संगठनले एएफपीलाई उपलब्ध गराएको पत्रमा भनिएको छ ।
संगठनका अधिकारीले एएफपीलाई दिएको जानकारीअनुसार स्थानीय समयअनुसार बिहान ७ बजेतिर एक सशस्त्र समूहले ती महिलाहरूलाई अपहरण गरेको थियो । अपहरणमा परेका अन्य दुई जनाबारे भने आफूलाई जानकारी नभएको बताइएको छ । फिरौतीको मागबारे अहिलेसम्म कुनै जानकारी आएको छैन । पोर्ट–औ–प्रिन्स र केही राष्ट्रिय सडकहरूमा धेरै हप्तादेखि मानिसहरूलाई लक्षित गरी अपहरणका घटनाहरू बढ्दै गएका छन् ।
गत हप्ता, एक चिकित्सक र शान्तिदूतलाई अपहरण गरिएको थियो तर फिरौती तिरेपछि उनीहरू रिहा भएका थिए । राजनीतिक, आर्थिक र सार्वजनिक स्वास्थ्य प्रणाली कमजोर अवस्थामा रहेको अमेरिकाको सबैभन्दा गरिब राज्यमा सामूहिक हिंसाकाबिच अपहरणका घटनाहरूलाई खासै महत्त्व दिएको पाइदैन ।
गत वर्ष संयुक्त राष्ट्रसघले पोर्ट–औ–प्रिन्सको करिब ८० प्रतिशत क्षेत्रमा गिरोहले नियन्त्रण गरेको अनुमान गरेको थियो । संयुक्त राष्ट्रसघको सुरक्षा परिषद्ले गत अक्टोबरमा केन्याको नेतृत्वमा हाइटीमा एक बहुराष्ट्रिय मिसन पठाउन सहमत भएको थियो ।