२०८१ जेष्ठ १५

कजाकिस्तानको छात्रवासमा आगलागी, आगलागीमा परी १३ जनाको मृत्यु

कजाकिस्तानको सबैभन्दा ठूलो सहर अल्माटीमा बिहीबार एक छात्रवासमा आगलागी हुँदा कम्तीमा १३ जनाको मृत्यु भएको सहरको आपत्कालीन स्थिति विभागले जनाएको छ ।
“आगो निभाउने क्रममा प्रारम्भमा १३ जनाको मृत्यु भएको थाहा भएको छ, उनीहरूको सनाखत हुन बाँकी छ”, विभागले एक विज्ञप्तिमा भनेको छ, । कार्बन मोनोअक्साइड विषाक्तताका कारण उनीहरूको मृत्यु भएको विभागले जनाएको छ ।
पूर्वराजधानीको बीचमा रहेको आदी सारिपोभ स्ट्रिटमा स्थानीय समयअनुसार साढे पाँच बजे आगो लागेको सूचना प्राप्त भएको थियो । अग्निशमनकर्मीहरू तीन तले आवासीय भवनमा लागेको आगो निभाउन सात मिनेटपछि पुगेका थिए ।
आगलागी हुँदा छात्रावासमा ७२ जना रहेको र ५९ जनालाई सुरक्षित रूपमा बाहिर निकालिएको विभागले बताएको छ ।