२०८१ असार ५

कांग्रेस नेता बालकृष्ण खाँण ३० लाख रुपैयाँ धरौटीमा रिहा

काठमाडौँ, कांग्रेस नेता बालकृष्ण खाँण ३० लाख रुपैयाँ धरौटीमा रिहा भएका छन्।
पाटन उच्च अदालतले बिहीबार खाँणलाई ३० लाख धरौटीमा रिहा गर्ने फैसला गरेको हो ।
न्यायाधीश कृष्णराम कोइरालाको इजलासले खाँणलाई ३० लाख रुपैयाँ धरौटीमा छाड्ने भनी यसअघि नै जनक पाण्डेले व्यक्त गरेको रायलाई समर्थन गर्ने फैसला गरेको हो ।
उनको यो रायसँगै जिल्ला अदालतको आदेश बदर भएको छ।
यसअघि उच्च अदालतमा दुई न्यायाधीशहरुबीच राय बाझिएको थियो । न्यायाधीश जनक पाण्डेले खाँणलाई धरौटीमा छाड्नुपर्ने भनी राय दिएका थिए भने प्रकाश खरेलले थुनामा पठाउनुपर्ने राय व्यक्त गरेका थिए ।
खाँणलाई थुनामा पठाउनुपर्ने भनी जिल्ला अदालत काठमाडौंले दिएको आदेश बदर गरी उच्च अदालतले धरौटीमा छाड्न आदेश गरेको हो।
एक महिनाअघि कांग्रेस सभापति शेरबहादुर देउवाले पार्टी कार्यकर्ता जेल पर्न नहुने भन्दै खाँण छुट्ने संकेत गरेका थिए ।