नेपाली सेनाको तीन सय ५४ सदस्यीय टोली भारत प्रस्थान

आनन्द गुरुङ, काठमाडौँ–भारतको पिथौरागढमा शुक्रबारदेखि शुरु हुने संयुक्त सैन्य अभ्यासमा सहभागी हुन नेपाली सेनाको एउटा टोली त्यसतर्फ प्रस्थान गरेको छ ।
नेपाली सेना र भारतीय सेनाको संयुक्त अभ्यास ‘सूर्यकिरण’ को १७ औँ संस्करणमा सहभागी हुन नेपाली सेनाका प्रमुख सेनानी सुवास केसीको नेतृत्वमा तीन सय ५४ सदस्यीय नेपाली सेनाको टोली भारततर्फ प्रस्थान गरेको नेपाली सेनाको जनसम्पर्क तथा सूचना निर्देशनालयले जनाएको छ ।हरेक वर्ष नेपाल र भारतबिच सैन्य अभ्यास हुँदै आएको छ । गत पुसमा रुपन्देहीको सालझण्डीमा उक्त अभ्यास भएको थियो । यही मंसिर २१ गतेसम्म सञ्चालन हुने उक्त अभ्यास अन्तर्गत विपद् व्यवस्थापन, प्रतिव्रिदोह तथा प्रतिआतङ्कवाद लगायत जङ्गल युद्ध कलासम्बन्धी व्यावहारिक ज्ञान दिइने छ ।