राष्ट्रपति रामचन्द्र पौडेलद्वारा सबै पक्षलाई वार्तामा आउन आह्वान ।

काठमाण्डौँ, राष्ट्रपति रामचन्द्र पौडेलले देशको विषम परिस्थितिको शान्तिपूर्ण समाधानका लागि आन्दोलनकारी लगायत सबै पक्षलाई वार्तामा आउन आह्वान गरेका छन् ।
मंगलबार जारी अपिलमा राष्ट्रपति पौडेलले लोकतन्त्रमा नागरिकले उठाएका मागहरू वार्ता र संवादमार्फत समाधान गर्न सकिने भएकाले संयमता अपनाउन आग्रह गरेका छन् ।
‘प्रधानमन्त्री केपी शर्मा ओलीको राजीनामा स्वीकृत भइसकेको अवस्थामा मुलुक, जनता र लोकतन्त्रलाई माया गर्दै समस्या समाधानका लागि सबै पक्षले सहयोग गर्नुहुनेछ भन्ने विश्वास लिएको राष्ट्रपतिले भनेका छन् ।’
उनले जेन्जीका प्रतिनिधिसहित सबै सरोकारवालासँग वार्तामार्फत् मार्ग खोज्न सकिने विश्वास व्यक्त गर्दै संयमित आह्वान गरेका छन् ।