आज साउन १५ अर्थात खीर खाने दिन ।

काठमाण्डौँ, आज साउन १५ गते, नेपाली समाजमा खीर खाएर मनाइँदै छ ।
असार १५ गते दही च्युरा र साउन १५ मा खीर खाने प्राचीनकालदेखिको नेपाली परम्परा छ । साउने झरी पर्ने बेलामा तातो खीरले स्वास्थ्यलाई राम्रो गर्ने भएकाले खीर खाने गरिएको हो । दूधमा मरमसला हालेर बनाइने खीरले स्वास्थ्यमा राम्रो गर्ने भएकाले साउन १५ गते खीर खाने परम्परा बसेको विश्वास गरिन्छ ।
नेपाली समाजमा असार १५ गते दही च्यूरा, साउन १५ गते खीर, भदौ १५ गते पोलेको मकै, पुस १५ गते घिउ, चाकु ,खट्टे, माघ १५ गते मालपुवालगायत परिकार बनाएर इष्टमित्र एवं छोरीचेलीलाई बोलाएर खुवाउने र आफू पनि खाने चलन रहिआएको छ ।