मुग्लिन–आँबुखैरेनी सडक खण्ड तीन घण्टा बन्द हुने ।

दमौली, पृथ्वी राजमार्गअन्तर्गत तनहुँको आँबुखैरेनी–मुग्लिन खण्ड तीन घण्टा बन्द गरिने भएको छ ।
आँबुखैरेनी गाउँपालिका–४, साँखर ड्यामनजिक भासिएको सडक मर्मत भइरहेकाले सडक डिभिजन कार्यालयले आइतबार बिहान १० देखि दिउँसो १ बजेसम्म सडक बन्द गरेर काम गर्न लागेको जनाएको छ ।
उक्त ठाउँको हिलसाइडमा चर्किएका ढुंगाहरू झार्नुपर्ने भएकाले त्यस समयमा सवारीसाधन पूर्ण अवरुद्ध हुने सडक डिभिजन कार्यालय दमौलीका प्रमुख पशुपति ज्ञवालीले जानकारी दिए ।
मर्स्याङ्दी नदीदेखि नै पहिरो नियन्त्रणको काम भइरहेको सडक डिभिजन कार्यालय दमौलीले जनाएको छ ।