आज स्व. गिरिजाप्रसाद कोइरालाको १४ औं स्मृति दिवस, विविध कार्यक्रम गरी मनाइदै ।

काठमाण्डौँ, आज नेपाली काँग्रेसका पूर्वसभापति एवम् पूर्वप्रधानमन्त्री स्व. गिरिजाप्रसाद कोइरालाको १४ औं स्मृति दिवसमा बुधबार विभिन्न कार्यक्रम गरी मनाइँदै छ ।
स्मृति दिवसको अवसरमा नेपाली काँग्रेस, जीपी कोइराला फाउण्डेसन लगायत संस्थाले विभिन्न कार्यक्रम आयोजना गरेका छन् ।
नेपालको इतिहासमा पाँच पटक प्रधानमन्त्री बनेका कोइरालाको २०६६ साल चैत ७ गते निधन भएको थियो । राणा शासनको विरोध गरेको अभियोगमा बुबा आमा प्रवासमा रहेका बेला कोइरालाको जन्म १९८१ सालमा भारतको टेडीमा भएको थियो ।

नेपालको लोकतान्त्री आन्दोलनका साथै २०६२–६३ सालको दोस्रो जनआन्दोलन, दशक लामो माओवादी सशस्त्र द्वन्द्वलाई शान्तिपूर्ण रुपान्तरण, १२ बुँदे सम्झौता लगायत नेपाली राजनीतिका कालखण्डमा उहाँको भूमिका महत्त्वपूर्ण छ ।