काठमाडौं, १९ पौष / माथिल्लो मनाङका बासिन्दाहरुले परम्परादेखि मनाउँदै आएको होल्ताङपा ल्होसार (ता-ल्हो)को अवसरमा पूर्व श्रम तथा रोजगार राज्यमन्त्री एवं नेपाली काँग्रेसका केन्द्रीय सदस्य टेकबहादुर गुरुङले शुभकामना व्यक्त गरेका छन् । पूर्व राज्यमन्त्री गुरुङले नयाँ वर्षको रुपमा मनाईदै आएको होल्ताङ ल्होसारका अवसरमा सम्पूणर् मनाङबासीहरुमा सुख, शान्ति एवं समृद्धीको शुभकामना व्यक्त गरेका हुन् ।

पूर्व राज्यमन्त्री गुरुङले शुभकामना सन्देश ब्यक्त गर्दै भनेका छन् ‘देश विदेशमा रहनुभएका समस्त मनाङबासी दाजुभाई दिदीबहिनीहरुमा यस वर्षको होल्ताङपा ल्होसारले सुस्वास्थ्य, सुख, शान्ति, समृद्धि एवं उत्तरोत्तर प्रगति प्रदान गरोस् भनी शुभकामना ब्यक्त गर्न चाहन्छु ।’

शुभकामना सन्देशमा गुरुङले थोरै जनसंख्या भएको मनाङ जिल्लामा मनाङबासीहरु कतै न कतै नाता जोडिएको हुनाले भावनात्मक रुपमा सबैले एकअर्कालाई सम्मान र सहयोग आदान प्रदान गर्न समेत यो होल्ताङपा ल्होसारले प्रोत्सान गरोस् भन्ने चाहना ब्यक्त गरेका छन् ।