३२औँ ग्रीष्मकालीन ओलम्पिकमा चनिको अग्रता कायमै

३२औँ ग्रीष्मकालीन ओलम्पिकमा चनिको अग्रता कायमै


जापानको टोकियोमा जारी ३२औँ ग्रीष्मकालीन ओलम्पिक खेलकुदमा चीन पदक तालिकाको शीर्ष स्थानमा कायमै रहेको छ । चीनले हालसम्म ६ स्वणर्, एक रज र चार कास्यसहित ११ पदक प्राप्त गरेको छ ।
प्रतियोगितामा जापान दोस्रो तथा अमेरिका तेस्रो स्थानमा रहेका छन् । जापानले हालसम्म पाँच स्वणर् र एक रजत तथा अमेरिकाले चार स्वणर्, दुई रजत र चार कास्य प्रदक प्राप्त गरेको छ । यस्तै दुई स्वणर् र तीन कास्यसहित कोरिया चौथो तथा एक स्वणर्, चार रजत र दुई कास्य पदक प्राप्त गर्दै रसियन ओलम्पिक कमिटी पदक तालिकाको पाँचौँ स्थानमा रहेको छ ।
यसैगरी इटाली, अस्ट्रेलिया, फ्रान्स, हंगेरी, टयुनिसिया, अस्ट्रिया, इक्वेडर, इरान, कोशोभो, नर्वे, थाइलैण्ड र उज्बेकिस्तानले एक एक स्वणर् जितेका छन् । टोकियो ओलम्पिकमा सहभागी २०५ देशमध्ये हालसम्म ४२ देशले पदक प्राप्त गर्न सफल भएका छन् ।
नेपालबाट चार खेलमा पाँच खेलाडी टोकियो ओलम्पिकमा सहभागी भएका छन् । तिमध्ये सुटिङकी कल्पना परियार र जुडोकी सोनिया भट्टले खेलिसकेका छन् । दुवै जना पराजित भइसकेका छन् । परियारले महिला १० मिटर एयर राइफलमा तथा भट्टले महिला ४८ किलो तौल समूहमा प्रतिस्पर्धा गरेका थिए ।
टोकियो ओलम्पिकमा अब पौडीका गौरिका सिंह र एलेक्स शाह तथा एथलेटिक्सकी सरस्वती चौधरीले प्रतिस्पर्धा गर्न बाँकी छ । सिंहले महिला १०० सय मिटर फ्रि स्टाइल, शाहले पुरुष १०० मिटर फ्रि स्टाइल तथा चौधरीले महिला १०० मिटर दौडमा प्रतिस्पर्धा गर्नेछन् । शाहले भोली (मंगलबार), सिंहले बुधबार तथा चौधरीले शुक्रबार आ आफ्नो खेलमा प्रतिस्पर्धा गर्नेछन् ।

सम्बन्धित समाचार