काठमाडौं, ८ पौष / नेपाली काँग्रेसको १४ औं महाधिवेशन अन्तर्गत सम्पन्न निर्वाचनबाट पार्टीको केन्द्रीय कार्यसमितिको आगामी कार्यकालका लागि सदस्य पदमा नेपाली कांग्रेस मनाङका निवर्तमान सभापति पूर्व श्रम तथा रोजगार राज्यमन्त्री टेकबहादुर गुरुङ विजयी भएका छन् । गुरुङले नेपाली कांगे्रस केन्द्रीय समितिमा आदिवासी जनजाति खुल्ला ८ पदका लागि १ सदस्यको रुपमा विजय हासिल गरेका हुन् ।

१४ औं महाधिवेशन अन्तर्गत सम्पन्न निर्वाचनमा आदिवासी जनजातितर्फ निर्वाचित हुनु पर्ने ८ सदस्य पदका लागि ५० जना प्रतिष्पर्धीहरुबाट टेकबहादुर गुरुङले उल्लेखनीय मत ल्याएर विजय भएको मतगणनास्थल श्रोतले बताएको छ । पूर्व राज्यमन्त्री गुरुङले पार्टी कार्यकर्ताहरुको गुनासोलाई सम्बोधन गर्न केन्द्रीय सदस्य पदका लागि आफूले उम्मेदवारी दिएको बताएका थिए ।