काठमाडौँ, १४ कार्तिक / हिमाली जिल्ला मनाङमा समेत छायांकन गरेर नेपालमा सुटिङ गर्न आएको बलिउड चलचित्र ‘उचाई’को टोली फर्किएको छ । बलीउड सिनेमा निर्माण टोली नेपालमा २५ दिनसम्म छायाङ्कन गरी सकेर फर्किएको हो ।
नेपालका हिमाली जिल्लाहरुका साथै दुई दिन काठमाडौँमा सुटिङ गरिएको उक्त चलचित्रको छायांकन गर्ने तालिका गत शुक्रवार अक्टुवर २८ सम्मको तालिका निर्धारण गरिएको चलचित्र निर्माण श्रोतले जनाएको छ । राजश्री प्रोडक्शनले निर्माण गरिरहेको उक्त चलचित्रको छायांकन तालिका मुस्ताङदेखि मनाङका अलावा खोटाङको नाम्चेआदिको हिमाली विभिन्न स्थलहरु निर्धारण गरिएको थियो ।
निर्माण कम्पनीले जनाएअनुसार चर्चित बलीउड अभिनेता अभिताभ बच्चनसमेत उक्त चलचित्र छायांकनको शिलशिलामा नेपाल आउने भनिए पनि स्वस्थ्यमा समस्या देखिएपछि नेपाल आउन सकेनन् । निर्देशक सुरज वाडजात्या सहित चलचित्रका कलाकारहरु अनुपम खेर, वमन इरानी, निना गुप्ता, सारिका हसन, परिणिती चोपडालगायत कलाकारहरु सहभागी रहेको नेपाली चलचित्र उद्योगमा मनाङका निर्माता विनोद गुरुङले जानकारी दिएका छन् । ४ अक्टुरवरबाट छायांकन शुरु गरिएको उक्त चलचित्र छायांकन पहिलो चरणमा नेपालमा गरिएको हो भने दोश्रो चरणको छायांकन भारतमा नै हुने बताइएको छ ।
