पूर्वश्रम तथा रोजगार राज्यमन्त्री टेकबहादुर गुरुङ र सांसद कर्म घले राहत सहीत मनाङमा

नेपाली काँग्रेसका सभापति एवं पूर्व श्रम तथा रोजगार राज्यमन्त्री टेकबहादुर गुरुङ र सांसद कर्म घले निजी खर्चमा राहत सामाग्री सहित फिस्टेल हेलकप्टरबाट मनाङ जानु भएको छ ।

 पाल, खाद्यन्न सामाग्री, पिउने पानी  र औषधी सहित काठमाडौबाट सोझै नासोङ १ ताल जानु भएको छ । सभापति एवं पूर्वराज्यमन्त्री गुरुङ तालमा अवतरण गरेपछि हेलिकप्टर लमजुङको बेसीशहर जानेछ । बेसीशहरबाट खाद्यसामाग्री लिएर पुनः तालमै अवतरण गर्नेछ । तालमा दुईपट अवतरण गरेपछि पूर्व राज्यमन्त्री र सभासांसदलाई लिएर हेलिकप्टर ओडार अवतरण गर्ने छ । त्यसपछि  पुनः बेसीशहर आई धारापानीका लागि खाद्यसामाग्री लिएर उडान भर्नेछ । बाढीपहिरोबाट पीढित धारापानी क्षेत्रका जनता ओडार क्षेत्रमा बस्दै आएकाले सभापति एवं पूर्वमन्त्री गुरुङ र सांसद धले खाद्यसामाग्री वितरण गरी धारापानी क्षेत्रको स्थलगत अवलोकन गर्नुहुने छ । ओडारमा खाद्य सामाग्री पुर्‍याएर हेलिकप्टर पुनः बेसीशहर आई खाद्यसामाग्री लिइ ओडार जाने र पूर्वमन्त्री र सांसदलाई लिएर हेलिकप्टरले मनाङका लागि उडान भर्नेछ । मनाङमा सभापति गुरुङ र सांसद घलेले प्रमुख जिल्ला अधिकारी विष्णु लामिछाने, जिल्ला समन्वय समिति अध्यक्ष यज्ञ तले, र पीढिहरुसंग भेटवार्ता गर्नु हुने छ ।

मनाङमा सोमबारबाट परेको अबिरल बर्षसंगै मनाङको मस्र्याङदी नदी र स्थानीय खोलाहरुमा आएको बाढीका कारण मनाङ सदरमुकाम चामेका छ घर बाढीले क्षती पुर्‍याएको छ । बाढीपिढीहरुलाई तत्कालका लागि जिल्ला कारागारको नयाँ भवनमा  राखीएको छन् भर्ने  नेपाली सेना र स्थानीय संघ-संस्थाले खानाको व्यवस्था गरेको छ ।

त्यसैगरी, नासोङ गाउककपालिका-१ तालमा बाढी पस्दा ३८ वटा घरहरु ढुबानमा परेको छ । अन्य घरहरुपनि बाढीको उच्च खतरामा रहेको नासोङका अध्यक्ष चन्द्र घलेले जानकारीदिनुभयो । उता, दुघखोला र मस्र्याङदी नदीको बाढीले पुरानो धारापानीका सम्पूणर्घरहरुमा क्षती पुर्‍याएको छ । त्यसैगरी, नासोङ गाउँपालिकाको कार्यालय, प्रहरी कार्यालय, बैंक लगाएत सर्वसाधरणका घरहरु पनि बगाएको छ । सडक, पूलहरु बगाएकाले आवत जात समेत गर्ने अवस्ता नभएको गाउँपालिका अध्यक्ष घलेले जानकारीदिनुभयो ।

मनाङका अधिकांश स्थानको विद्युत आपूती, सञ्चार सेवा अवरुद्ध छ भने मानिसहरु एक गाउँपालिकाबाट अर्को गाउँपालिका सम्म हिडडुल समेत गर्न नसक्ने भएकाले क्षीतको विवरण अझै आउन सकेको छैन ।