काठमाडौं, १५ फागुन / सरकारलाई दिएको समर्थन फिर्ता सहित पुष्पकमल दाहाल नेतृत्वको सरकारबाट नेकपा एमाले बाहिरिएको छ । एमाले सोमबार बसेको पार्टीको सचिवालय बैठकबाट यस्तो निर्णयमा पुगको हो ।
मंसिर ४ मा सम्पन्न आम निर्वाचनबाट सरकार बनाउन पुग्ने सांसद सङ्ख्या नपुगेर दलहरुबीच समीकरण गर्नु पर्ने अवस्थामा माओवादी केन्द्रका अध्यक्ष दाहाल र एमाले अध्यक्ष केपी ओलीबीच पौष १० मा भएको सहमति पालना नभएको भन्दै एमाले सरकार छोड्ने निर्णयमा पुगेको पार्टीश्रोतले जनाएको छ ।
आसन्न राष्ट्रपतिको निर्वाचनका विषयमा माओवादी केन्द्रले नेपाली काङ्ग्रेसका उम्मेदवारलाई समर्थन गर्ने निर्णय गरेपछि एमाले प्रधानमन्त्री दाहालसँग चिढिन पुगेको र सरकारमा रहेका एमालेका मन्त्रीहरुलाई आत्माहीनता बोधहुने खालका व्यवहार देखाउन थालेपछि सोमबार बसेको एमाले सचिवालय बैठकबाट सरकारबाट बाहिरिने निर्णयमा पुगेको बैठकमा सहभागी सदस्यहरुले आमसञ्चार माध्यमहरुलाई बताए ।
