काठमाडौं, १६ फागुन/ नेपालको डिजिटल अभिलेख सुरक्षा प्रणाली सुरक्षित नभएको भन्ने खबरहरुप्रति नेपाली कांग्रेसकी नेतृ आरजु राणा देउवाले चिन्ता ब्यक्त गरेकी छिन् । नेपाल विद्यार्थी संघले आयोजना गरेको एक कार्यक्रमलाई सम्बोधन गर्ने क्रममा उनले यस्तो चिन्ता ब्यक्त गरेकी हुन् ।

नेपाल विद्यार्थी संघले सञ्चालन गरेको अल नेपाल ह्याकथन कार्यक्रममा सहभागी भएकी नेतृ राणाले शुभकामना मन्तव्य दिने क्रममा नेपाली सेनाको डिजिटल अभिलेखहरुमा समेत छिद्र रहेको र डेटाहरु असुरक्षित हुने गरेको जानकारी आफूले पाएको बताइन् ।

नेपाली कांग्रेसकी केन्द्रीय सदस्य तथा प्रतिनिधि सभा सदस्य आरजू राणा देउवाले नेपाल विद्यार्थी संघ केन्द्रिय समितिको आयोजना र नेविसंघ, पुल्चोक क्याम्पस इकाईको सहआयोजनामा सञ्चालित अल नेपाल ह्याकथोन कार्यक्रमको उद्घाटन गर्द कार्यक्रमकी प्रमूख अतिथिका रुपमा सम्बोधन गर्दै अगाडि भनेकी छिन्् ‘नेपाल विद्यार्थी संघले शैक्षिक, राजनीतिक विषय मात्र नभई विज्ञान प्रविधिको विषयलाई पनि प्राथमिकतामा राख्दै यस्तो कार्यक्रम गर्नु एउटा उपलब्धि हो,  ड्राइभिङ लाइसेन्स, मालपोत, पासपोर्ट विभागमा हुने घन्टौं लामो लाइन अनि पटक पटक हुने सर्भर डाउन, विश्वविद्यालयको परीक्षा दिएको बर्षौं दिनसम्म रिजल्टको अनिश्चितता, इ–बैंकिङ्ग र शेयर कारोवार गर्दा देखिने सिस्टम सर्भर त्रुटि, काठमाडौंको सडम जाम र फोहोर व्यवस्थापन जस्ता विद्यमान समस्याहरूलाई हाम्रै देशका प्राविधिक विद्यार्थीबाट समाधान गर्ने हेतुले नेपाल विद्यार्थी संघ केन्द्रिय समितिको आयोजना र नेविसंघ, पुल्चोक क्याम्पस इकाईको सहआयोजनामा सो कार्यक्रमको आयोजना गरिएकोमा यस कार्यक्रमको सफलताको शुभकामना व्यक्त गर्दछु ।’