रनिङशिल्ड कराँतेमा महिला तर्पmको ४५ केजी समूहमा मनाङ दोश्रो

रनिङशिल्ड कराँतेमा महिला तर्पmको ४५ केजी समूहमा मनाङ दोश्रो

    चामे, २ साउन / ११ औं राष्ट्रपति रनिङशिल्ड कराँते विधामा महिला तर्पmको ४५ केजी समूहमा मनाङ दोश्रो भएको छ । कराँते खेलका लागि जिल्लाबाट छनौट भएकी दावा याङचुङ पुनेलले ४५ के.जी. तौल समूहमा द्वितीय स्थान र एकल काँतामा पनि त्रितीय स्थान हासिल गर्न सफल भएकी हुन् ।  
    मनाङका कराँते खेलाडी दावा याङचुङ पुनेलले गण्डकी प्रदेशस्तरको रनिङशिल्डमा दोश्रो स्थान हासिल गरेपछि केन्द्रीयस्तरको प्रतियोगितका लागि मौका पाएकी थिइन् । उनीसँगै प्रदेशस्तरको कराँते खेलमा नै सुदा गुरुङले पनि त्रितीय स्थान हात पार्न सफल भएकी थिईन् ।
    राष्ट्रिय खेलकूद परिषद्को केन्द्रीय प्रतियागिता ११ औं राष्ट्रपति रनिङशिल्ड प्रतियोगिता २०७६ असार २९ देखि ३१ गते सञ्चालन भएको थियो । त्यसैगरी गण्डकी प्रदेशस्तरीय प्रतियागिता  असार २६ र २७ गते सञ्चालन भएको थियो । राष्ट्रपति रनिङशिल्डको प्रदेशका लागि जिल्लास्तरीय छनौट प्रतियोगिता असार २३देखि २४ गते सञ्चालन गरिएको थियो ।
    खेलकूदको औपचारिक उद्घाटन कार्यक्रम जिल्ला खेलकूद विकास समिति मनाङको निर्माणाधिन हाई अल्टिच्यूड टे«निङ सेन्टरको मैदान तिमाङमा आयोजना गरिएको थियो । कार्यक्रम उद्घाटन समारोहको सभापतित्व जिल्ला खेलकूद विकास समितिका अध्यक्ष सिंहबहादुर गुरुङले गरेका थिए भने प्रमूख अतिथि जिल्ला समन्वय समितिका प्रमूख यज्ञप्रसाद घले रहेका थिए ।
    उक्त खेलाडि छनौट प्रतियोगितामा मनाङ जिल्लाका ३ गाउँपालिका ४ माध्यमिक विद्यालयहरु सहभागी भएका थिए । जिल्लास्तरमा भलिवल, एथलेटिक्स र कराँते खेलका विधाहरुमा सहभागी भई प्रदेशका लागि एथलेटिक्स र कराँते खेलमा मनाङको सहभागिता रहेको थियो ।
    ४ वटै गाउँपालिकाको सहभागिता आवश्यकता रहेपनि नार्पाभूमि गाउँपालिका माध्यमिक तहको विद्यालय नभएकोले सहभागी हुन नसकेको जिल्ला खेलकूद विकास समिति मनाङका कार्यालय प्रमूख दुधबहादुर गुरुङले जानकारी दिएका छन् । यसै वर्षदेखि राष्ट्रपति रनिङशिल्ड स्थानीय तहको प्रतियोगिता गाउँपालिकाले सञ्चालन गर्नु पर्ने जिम्मेवारी रहेको छ ।
    जिल्लास्तरीय राष्ट्रपति रनिङशिल्ड प्रतियोगिताको शिल्ड प्रकाशज्योति माध्यमिक विद्यालय थोँचे र भानु माध्यमिक विद्यालय, ताल रहेको नासों गाउँपालिकाले हात पारेको थियो ।

सम्बन्धित समाचार