न्यूयोर्क–अमेरिका, १७ कार्तिक/ मनाङका समाजसेवी छिरिङ राप्के लामा जिपी कोईराला फाउण्डेशन अमेरिकाद्वारा प्रदान गरिएको कोबिड–१९ हिरो भोलियन्टिएर अवार्डबाट अमेरिकामा सम्मानित भएका छन् । समाजसेवी छिरिङ राप्के लामा ’कोभिड –१९ च्याम्पियन अफ च्याम्यिन्स’ अवार्डबाट समेत सम्मानित भएका हुन् ।

    कोरोना भाईरसका कारण लाग्ने रोग कोबिड–१९ को महामारीको बेलामा पनि राहत वितरण तथा स्वास्थ्य सुरक्षा सामाग्री वितरण कार्यमा सक्रीय रहेको मूल्यांकनका आधारमा लामा सम्मानित भएका हुन् । फाउण्डेसनले कोरोना संक्रमणकालमा राहत वितरण तथा स्वास्थ्य सुरक्षा सामाग्री वितरणमा सक्रिय रुपमा लागेका फाउण्डेसनका केन्द्रिय सदस्य तथा समुदाय सम्बन्ध निर्देशक छिरिङ राप्के लामासहित १ सय ५० जनालाई सम्मान गरिएको फाउण्डेशनका अधिकारीहरुले जानकारी दिएका छन् । उक्त अवसरमा फाउण्डेसनका उपाध्यक्ष सुवर्ण लामालाई सेनेटर लेरोय कंग्रेबाट कोभिड १९ हिरो भोलियन्टियर अवार्ड पनि प्रदान गरिएको थियो ।
    महिला दिवसको अवसर पारेर गत मार्च महिनामा वितरण गरिने उक्त समान कोरोना संक्रमणका कारण गरिएको लकडाउनले गर्दा रोकिएको र गत शनिवार न्यूयोर्क शहरमा भव्य सामारोहको आयोजना सो सम्मान प्रदान गरिएको बताइएको छ । सम्मानका लागि छनौटमा परेका सम्पूर्ण प्रत्याशिहरुलाई मेम्बर अफ न्युयोर्क एसेम्ली डिष्ट्रिक्ट ३४ डेमोक्रेट नोमिनी जेसिका जोन्जालेज रोजासले सम्मान वितरण गरेकी थिईन् ।
    गिरिजाप्रसाद कोइराला फाउण्डेसन अमेरिकाका अध्यक्ष सोमनाथ घिमिरेको सभापतित्वमा सम्पन्न सो कार्यक्रममा आदीवासी जनजाति महासंघ फिप्नाका संघीय परिषदका सभामुख राजकुमार विष्ट, शेर्पा किदुङका अध्यक्ष उर्गेन शेर्पा, जिपी कोइराला फाउण्डेसनका बरिष्ठ केन्द्रिय सदस्य शारदा क्षेत्री, रुपान्तरण अनलाईनका प्रधान सम्पादक अंकुर लुइटेल लगायतले अफ्ठेरो परिस्थितीका बेला सहयोग गर्नु नै मानवीय धर्म भएको बताए ।