काठमाडौं, २२ भदौ । मनाङका पूर्व जिल्ला विकास समिति सभापति छिरिङ ओङगेल गुरुङ (मिचुङ) को निधन भएको छ । गुरुङको गत शुक्रवार काठमाडांैको मेडिसिटी अस्पतालमा मृत्यु भएको हो ।
पूर्व जि.वि.स सभापति गुरुङको निधनमा नेपाली कांग्रेस मनाङले श्रद्धाञ्जली व्यक्त गर्दै दिवांगत आत्माको चीरशान्तिको कामना गरेको छ । नेपाली कांग्रेस मनाङ जिल्ला सभापति पूर्व श्रम तथा रोजगार राज्यमन्त्री टेकबहादुर गुरुङले नेपाली कांग्रेस मनाङको तर्पmबाट पूर्व जि.वि.स. सभापति गुरुङको निधनमा श्रद्धाञ्जली ब्यक्त गर्दै शोक सन्तप्त परिवारप्रति हार्दिक समवेदना प्रकट गरेका छन् ।
त्यसैगरी नेपाली कांग्रेसको पार्टी कार्यालयमा एक बैठकको आयोजना गरेर पूर्व मन्त्री पाल्तेन गुरुङसहित पार्टीका महासमिति तथा महाधिवेसन प्रतिनिधिहरु साङदो लामा, शंकर गुरुङ लगायत जिल्ला कार्यसमिति सदस्यहरुले पनि शोक व्यक्त गरेका छन् ।
मृतक छिरिङ ओङगेल गुरुङ वि.सं. २०४६ सालमा नेपालमा बहुदलीय संसदीय व्यवस्था आएपछि जिल्लाको प्रथम जिल्ला विकास समितिको निर्वाचनमा नेपाली कांग्रेसका तर्पmबाट सभापति पदमा निर्विरोध निर्वाचित भएका थिए । आफ्नो कार्यकालमा मनाङ जिल्लामा जोखिम पूर्ण काठे पूल हटाई फलामे पुलको निर्माणका साथै मनाङको पर्यटन प्रवद्र्धनमा उनको ठूलो योगदान रहेको थियो । उनको निधनबाट एउटा सक्षम जनप्रतिनिधि गुमाउन पुगेकोमा मनाङबासिले दुःख व्यक्त गरेका छन्
